Ревнителю Илию нравы подражая,
Крестителю правыми стезями последуя,
отче Антоние,пустыни был еси житель
и вселенную утвердил еси молитвами твоими.
Темже моли Христа Бога спастися душам нашим.

Житейския молвы отринув,безмолвно житие скончал еси,
Крестителя подражаяй всяким образом,преподобнейший,
с ним убо тя почитаем,отцев начальниче Антоние.

Без семене от Божественнаго Духа,волею же Отчею
зачала еси Сына Божия,от Отца без матере прежде век суща,
нас же ради из Тебе без отца бывша,плотию родила еси
и Младенца млеком питала еси,темже не престай молити
избавитися от бед душам нашим.

Величаем Тя,Пресвятая Дево,Млекопитательнице Спаса нашего,
и чтим образ Твой святый,от негоже благодать исцеления
нам присно подаеши.

Слез твоих теченьми пустыни безплодное возделал еси,
и иже из глубины воздыханьми во сто трудов
уплодоносил еси,и был еси светильник вселенней,сияя чудесы,
Феодосие,отче наш,моли Христа Бога спастися душам нашим.

Апостоли святии,молите Милостиваго Бога,
да прегрешений оставление подаст душам нашим.

Христовых учеников лик седмьдесят Божественно,
вернии,в песнех восхвалим,теми бо вси навыкохом
Троицу почитати Нераздельную,и пребывают
светильницы Божественныя веры.

Готовися,Завулоне,и красуйся,Неффалиме,
Иордане реко,стани,подыми,взыграя,
креститися грядуща Владыку;
веселися,Адаме,с праматерию,не крыйта себе,
якоже в раи прежде,ибо,наги видев вы,явися,
да облечет в первую одежду:
Христе явися,всю тварь хотя обновити.

Во струях днесь Иорданских быв,Господь Иоанну вопиет:
не убойся крестити Мя,спасти бо приидох Адама первозданнаго.

Якоже первомученик Твой Стефан о убивающих его
моляше Тя,Господи,и мы припадающе молим,
ненавидящих всех и обидящих нас прости,
во еже ни единому от них нас ради погибнути,
но всем спастися благодатию Твоею,Боже Всещедрый.

Избравый от всех родов пречистейшую ангел Деву,
и от Нея родивыйся плотию Христе Боже наш,
благодарственная приносим Ти,раби Твои,Владыко.
Ты же яко имеяй милосердие неизреченное,
от всяких нас бед свободи,зовущих:
Иисусе Сыне Божий,воплотивыйся нас ради,слава Тебе.

Агница Твоя,Иисусе,Анастасия,зовет велиим гласом:
Тебе,Женише мой,люблю,и Тебе ищущи страдальчествую,
и сраспинаюся,и спогребаюся крещению Твоему,и стражду
Тебе ради,яко да царствую в Тебе,и умираю за Тя,
да и живу с Тобою,но яко жертву непорочную приими мя,
с любовию пожершуюся Тебе:
тоя молитвами,яко Милостив,спаси души наша.

Благочестно в законе поживши и благими делы украсившися,
яко крепкий адамант,явися,целемудренная святая
благоверная княгине Иулиание,
тленную славу и добротство телесное презревши,
злокозненнаго врага победила еси,целомудрия ради
мученическую смерть прияла еси.
Сего ради от Христа Бога нетленным и вечным венцем вечавшися,
ныне с лики мученик ликуеши и нам велия чудеса,
приходящим ко гробу твоему,обильно источаеши.
Темже ти вопием:молися Христу Богу о всех нас,
верою и любовию страдания твоя почитающих.

Господи Боже наш,
веруем в Тебя,и имя Твоё
более всякого имени призываем.
Дай нам ко сну отходящим покой души и тела,
огради нас от всякого пустого мечтания,
тёмные соблазны отведи,
останови стремление страстей
и угаси костёр восстания телесного;
дай нам целомудренно пожить
в делах Твоих и словах,
на добродетельное жительство благослови,
и обетованных не лишимся Твоих благ,
ибо благословен во веки,аминь.

Хвалите Бога во святых Его,хвалите Его
во утверждение силы Его.
Хвалите Его во множестве силы Его.
Хвалите Господа преисполненного величия Его.
Хвалите Его голосом труб;хвалите Его во псалтири и гуслях.
Хвалите Его в тимпанах и лицех,хвалите Его
на струнах и органах.Хвалите Его
в кимвале звучном.
Хвалите Его в кимвалах восклицания.
Всякое дыхание живое да восхвалит Господа.

______________Псалом 149("Давида пророка и Царя песнь")

Тебе Бога хвалим,Тебе Господа исповедуем,
Тебе превечнаго Отца вся земля величает;
Тебе вси ангели,Тебе небеса и вся Силы,
Тебе Херувими и Серафими непрестанными гласы взывают:
Свят,Свят,Свят Господь Бог Саваоф,полны суть небеса и земля
величества славы Твоея,Тебе преславный апостольский лик,
Тебе пророческое хвалебное число,Тебе хвалит пресветлое
мученическое воинство,Тебе по всей вселенней исповедует
Святая Церковь,Отца непостижимаго величества,
спокланяемаго Твоего истиннаго и Единороднаго Сына
и Святаго Утешителя Духа.Ты,Царю славы,Христе,
Ты Отца присносущный Сын еси:Ты,ко избавлению
приемля человека,не возгнушался еси Девическаго чрева;
Ты,одолев смерти жало,отверзл еси верующим Царство Небесное:
Ты одесную Бога седиши во славе Отчей,Судия приити веришися.
Тебе убо просим:помози рабом Твоим,ихже честною Кровию
искупил еси.Сподоби со святыми Твоими в вечной славе Твоей
царствовати.Спаси люди Твоя,Господи,и благослови
достояние Твое,исправи я и вознеси их во веки;во вся дни
благословим Тебе и восхвалим имя Твое во век и в век века.
Сподоби,Господи,в день сей без греха сохранитися нам.
Помилуй нас,Господи,помилуй нас:буди милость Твоя,Господи,
на нас,якоже уповахом на Тя;на Тя,Господи,уповахом,
да не постыдимся во веки.Аминь.

О,всесвятый Николае,угодниче преизрядный Господень,
теплый наш заступниче,и везде в скорбех скорый помощниче!
Помози мне грешному и унылому в настоящем сем житии,
умоли Господа Бога даровати ми оставление всех моих грехов,
елико согреших от юности моея,во всем житии моем,
делом,словом,помышлением и всеми моими чувствы;
и во исходе души моея помози ми окаянному,
умоли Господа Бога,всея твари Содетеля,избавити мя
воздушных мытарств и вечнаго мучения:да всегда
прославляю Отца и Сына и Святаго Духа,и твое милостивное
предстательство,ныне и присно и во веки веков.Аминь.

Святая славная и всехвальная великомученице Христова Варваро!
Собраннии днесь в храме твоем Божественнем людие
и раце мощей твоих покланяющиися и с любовию целующии,
страдания же твоя мученическая и в их Самаго страстоположника
Христа,давшаго тебе,не точию еже в Него веровати,
но еже по Нем страдати,похвалами ублажающе,
молим тя,известная желания нашего ходатаице:
моли с нами и о нас умоляемаго от своего благоутробия Бога,
да милостивно услышит нас,просящих Его благостыню,
и не отставит от нас вся ко спасению и житию
нуждная прошения,и дарует христианскую кончину животу нашему
безболезненну,непостыдну,мирну,Божественных таин причастну,
и всем на всяком месте,во всякой скорби и обстоянии,
требующим Его человеколюбия и помощи,великую Свою
подаст милость,да благодатию Божиею и твоим
теплым предстательством,душею и телом всегда здравии
пребывающе,славим дивнаго во святых Своих Господа Бога
нашего,не умаляющаго помощи Своея от нас,всегда,
ныне и присно и во веки веков.Аминь.

Варвару святую почтим:вражия бо сети сокруши,
и яко птица избавися от них,помощию
и оружием Креста,всечестная.

В Троице благочестно певаемому последовавше Богу,
страстотерпице,идольская притупила еси чтилища,
посреде же подвига страдальчествующи,Варваро,
мучителей прещения не устрашилася еси,мужемудренная,
велегласно поющи присно:Троицу чту,Едино Божество.

Величаем тя,страстотерпице Христова Варваро,
и чтим честное страдание твое,яже за Христа претерпела еси.