Благолепие дому Господня любя,
расточил еси нещадно имение твое во украшение того,
преподобне Еразме,тем ныне живя в дому Господни на Небеси,
моли и нам освятитеся в жилище Господне.

Крепцыи веры столпи,добропобеднии мученицы,
за Христа подъемше различныя муки,и на лета многа
сокровени бысте,и ныне явистеся,яко многоценное богатство,
и в церковь Божию честно носими архиерея Божия дланьми,
просящим раздаваете еже на пользу;тем молитеся о душах наших.

Господи и Владыко живота моего,
дух праздности,уныния,любоначалия,
празднословия не дай мне.Дух же целомудрия,
смиренномудрия,терпения и любви даруй мне рабу Твоему.
Ей,Господи Царю,даруй мне зреть мои прегрешения
и не осуждать брата моего,ибо благословен
во веки веков.Аминь.

Боже отец наших,творяй присно с нами по Твоей кротости,
не остави милость Твою о нас,но молитвами их
в мире управи живот наш.

Православия наставниче,благочестия учителю и чистоты,
вселенныя светильниче,архиереев Богодухновенное удобрение,
Льве премудре,ученьми твоими вся просветил еси,
цевнице духовная,моли Христа Бога спастися душам нашим.

На престоле,славне,священства сед и львов уста словесных
заградив,догматы богодухновенными Честныя Троицы
озарил еси свет богоразумия твоему стаду;сего ради
прославился еси,яко Божественный таинник Божия благодати.

Российския земли первопрестольниче
и неусыпный о ней к Богу молитвенниче!
За веру Христову и паству твою душу свою положив,
страну нашу от нечестия избавил еси.Темже вопием ти:
спасай нас молитвами твоими,священномучениче
Ермогене,Отче наш.

Темницею и гладом изнуряемь,даже до смерти
верен пребыл еси,блаженне Ермогене,
малодушие от сердец людей твоих изгоняя
и на общий подвиг вся призывая.
Темже и нечестивых мятеж низложил еси
и державу нашу утвердил еси,да вси зовем ти:
радуйся,заступниче Российския земли.

Велия веры исправления,в пещернем затворе,
яко на воде упокоения,преподобне отче Пафнутие,
радовался еси,огнем бо любве Божественныя распаляемь,
бдением и молитвою безстрастия достигл еси
и явился еси равноангельный на земли,
того молитвами,Христе Боже,спаси души наша.

Читай правильно: преподобне отче наш Мароне

Яко незаходимое солнце возсия нам днесь
светозарными твоими молитвами,преподоне отче наш Мароне,
иже некия горы достигл и тамо на ней живущими нечестивыми
чтом бысть,за превосходящую твою к Богу добродетель,
и тамо обрет требище идольское,Богу освятив,
в нем пребывал еси,и видев Человеколюбец Бог твой подвиг
и труды,дарова тебе дар Свой,имже пронесеся имя Твое
в человецех,целити скорби,огневицу и трясавицу
прибегающим к тебе с верою.Тем и зовем ти:
радуйся,целителю наш скорый,радуйся,заступниче наш теплый,
предстоиши бо у Пресвятыя Троицы,молися Той
о призывающих имя Твое святое,да избавит
от сих тяжких скорбей и спасет души наша.

Пустынный житель и в теле Ангел,
и чудотворец явился еси,богоносе отче наш Авксентие,
постом,бдением,молитвою Небесная дарования приим,
исцеляеши недужныя и души верою притекающих ти.
Слава Давшему тебе крепость,слава Венчавшему тя,
слава Действующему тобою всем исцеления.

Насладився,богомудре,воздержания,и желания плоти твоея
обуздав,явился еси,верою сияя,якоже сад посреде рая
процвел еси,Авксентие,отче священне.

Благослови,Пречистая Матерь Божия.

Божественнаго и пречестнаго святителя Христова,
новаго чудотворца Алексия,верно вси поюще,людие,
любовию да ублажим,яко пастыря великаго,
служителя же и учителя премудра земли Российстей.
Днесь,в память его притекше,радостно возопием
песнь богоносному: яко имея дерзновение к Богу,
многообразных нас избави обстояний,да зовем ти:
радуйся,утверждение граду нашему.

Священия помазанием и мучения кровию украсился еси,
славне Власие,и сияеши всюду,в Вышних ликуя
и нас назирая,в храм твой пришедшия
и в нем тебе непрестанно зовущия:всех нас соблюди.

Яко столп избранный Церкве Христовой и светильник
присносветлый всея вселенныя,премудре показася,Харалампие,
возсия в мире мучением,разруши идольское мракобесие,блаженне,
сего ради явися предстатель Христу,молися спастися нам.

Воинствословием истинным,стратотерпче,
Небеснаго Царя воевода предобрый был еси,Феодоре,
оружиями бо веры ополчился еси мудренно
и победил еси демонов полки,и победоносный явился еси
страдалец.Темже тя верою присно ублажаем.

Мужеством души в веру оболкийся,и глагол Божий,
аки копие,в руку взем,врага победил еси,
мучеников превелий,Феодоре:
с ними Христу Богу моляся не престай о всех нас.