Величаем Тя,Пресвятая Дево Богоизбранная Отроковице,
и чтим образ Твой святый,имже точиши исцеления
всем с верою притекающим.

Божиим Духом подвизаем,слез твоих тучами
изсохшее напоил еси,и безплотное в пустыни житие
показал еси,и еже из глубины сердца бодренными молитвами
и постом благодеяния труды уплодоносил еси,
и вселенную всю просветил еси сиянием чудес твоих,
отче наш Кирилле.Моли Христа Бога спастися душам нашим.

Взбранному и крепкому адаманту,прогонителю бесов,
новому чудотворцу победительная,страстей злых свободившеся,
благодарственная восписуем ти,отче наш Кирилле.
Но яко имея дерзновение у престола Христова,верою
чтущих тя,град же и люди,молитвою твоею сохраняй,
ты бо еси стаду твоему похвала и утверждение.

Апостолов единонравне и сопрестольне,
служителю Христов верный и Богомудрый,
цевнице избранная Божественнаго Духа,
сосуде преизливающийся любве Христовы,
Японския земли просветителю,святый Николае,
иерарше равноапостольне,молися Живоначальней Троице
о все твоем стаде и о всем мире.

О,святый мучениче Христов Трифоне,
услыши ныне и на всякий час моление нас,раб Божиих,
и предстательствуй о нас пред Господем.Ты некогда дщерь
цареву,во граде Риме от диавола мучиму,ицелил еси:
сице и нас от лютых его козней сохрани во вся дни
живота нашего,наипаче же в день последняго нашего издыхания
предстательствуй о нас.Моли Господа,да сподобит и нас
причастники быти присносущнаго веселия и радости,
да с тобою купно удостоимся славити Отца и Сына
и Святаго Утешителя Духа во веки веков.Аминь.

Чудеса святых Твоих мученик
стену необориму нам даровавый,Христе Боже,
тех молитвами советы языков разори,
яко един Благ и Человеколюбец.

От Божественныя благодати дар чудес приемше,святии,
чудодействуете непрестанно,вся наша страсти
рукодейством секуще невидимым,Кире богомудре
со Иоанном славным:вы бо Божественнии врачеве есте.

Божественною свыше благодатию просветився,богомудре,
и по смерти яви тя светлость жития твоего,
темже источаеши мирови благоухание,
иже с верою притекающим к раце мощей твоих,
Ефреме преподобне.Тем вопием ти:слава Давшему ти
чудесем благодать,слава Прославльшему тя в чудесех,
слава Действующему тобою всем исцеления.

Час присно провидя Суда,рыдал еси горько,Ефреме,
яко любобезмолвный,делателен же был еси
в делех учитель,преподобне.
Темже,отче всемирный,ленивыя воздвизаеши к покаянию.

Днесь радостно ликует Церковь Русская,яко мати чада,
прославляющи новомученики и исповедники своя:
святители и иереи,царственная страстотерпцы,
благоверныя князи и княгини,преподобныя мужи и жены
и вся православныя христианы,во дни гонения безбожнаго
жизнь свою за веру во Христа положившия и кровьми
Истину соблюдшия.Тех предстательством,Долготерпеливе Господи,
страну нашу в Православии сохрани до скончания века.

Днесь новомученицы Российстии в ризах белых
предстоят Агнцу Божию и со Ангелы песнь победную
воспевают Богу:благословение,и слава,и премудрость,
и хвала,и честь,и сила,и крепость нашему Богу
во веки веков.Аминь.

Пастырская свирель богословия твоего риторов победи трубы:
якоже бо глубины Духа изыскавшу,и доброты вещания
приложишася тебе;но моли Христа Бога,отче Григорие,
спастися душам нашим.

Богословным языком твоим
сплетения риторская разрушивый,славне,
православия одеждею свыше истканною,Церковь украсил еси;
юже и носящи,с нами зовет,твоими чады:
радуйся,отче,богословия уме крайнейший.

Утоли болезни многовоздыхающия души моея,
утолившая всяку слезу от лица земли:
Ты бо человеком болезни отгониши
и грешных скорби разрушаеши,
Тебе бо вси стяжахом надежду и утверждение,
Пресвятая Мати Дево.

Небеса славу Господа воспевают,творения уст Его
обретают твердь;день ото дня льётся глагол небесный,
из ночи в ночь разливается Божественная песнь.
Не простые слова вещают,их нет в глаголе том,
по всей земле святому Слову внимают,
во всех концах вселенной прислушиваются к Нему.
В солнце вложил крепость Твою,женихом восходишь
из чертога Твоего,как исполин прокладываешь Себе путь.
От края небес поступь Твоя и до края небес,
никому не скрыться от взора очей Твоих.
Закон Господа непорочен,воскрешает души.
Свидетельство Господне истинно,умудрит и младенца.
Крепость правды Господа веселит душу.
Заповедь Господа светла,даёт радость сердцу.
Страх Господень велик,пребывает из века в век.
Судьбы Господа истинны,оправданы дорогой ценой.
Воздаяние Его чище золота,дороже редкого камня;
наслаждение Его слаще мёда и сахара.
Ибо сохранившему верность воздаёт много Господь.
Грехопадения своего кто избежит;от тайных мыслей моих
избавь меня,Боже,от чуждых помыслов пощади раба Твоего,
да не возобладают надо мной.
В непорочности Твоей пребуду,от великого греха уйду.
Благоволишь словам моим,Господи,и сердце моё
пребывает в повелении Твоём.
Господи Боже мой,помощник и Избавитель мой,
твердыня и опора моя.

_____________________"Давида пророка и Царя песнь"

Зарею Духа облистаем,
витийствующих богомудренно сподобился еси разумения,
неведением омраченная сердца человеков
светом благочестия просвещая,
пресветел явился еси Православия светильник,
Максиме преподобне,
отонудуже,ревности ради Всевидящаго,отечества чужд и странен,
Российския страны был еси пресельник,страдания темниц
и заточения от самодержавнаго претерпев,
десницею Вышняго венчаешися и чудодействуеши преславная.
И о нас ходатай буди непреложен,чтущих любовию
святую память твою.

Силою свыше укрепи нас,Благая Владычице,
к Твоему заступлению с верою притекающих
и Твоего посещения и промышления сподоби,
мрак уныния и скорбей обстоящих нас отгоняя,
да спасаеми Тобою,вопием Богу:Слава Тебе,Боже наш!

Свет Трисиянный,всельшийся в душу твою,
сосуд избран показа тя,всеблаженне,
являюща Божественная концем,
неудобопостижных разумений ты сказуяй,блаженне,
и Троицу всем,Максиме,возпроповедуяй ясно,
Пресущную,Безначальную.

Пустынный житель,и во плоти Ангел и чудотворец явился еси,
богоносне отче наш Макарие:постом,бдением,молитвою
небесная дарования приим,исцеляеши недужныя и души
верою приходящих ти.Слава Давшему тебе крепость,
слава Венчавшему тя,слава Действующему тобою исцеления.

Блаженную жизнь скончав в житии,
с мученическими лики в земли кротких
достойно водворяешися,богоносне Макарие,
и пустыню,якоже град,населив,
благодать приял еси от Бога чудес,
темже тя почитаем.