Взыде,яко звезда,от востока до запада твоя мощи,
святителю Николае,море же освятися шествием твоим,
и град Барский радуется и приемлет тобою благодать:
нас бо деля явился еси чудотворец изящный,
предивный и милостивный.

Сказал авва Марк авве Арсению: по какой причине ты избегаешь общества и беседы с нами?
Арсений отвечал: знает Бог,что я люблю вас,но не могу быть вместе и с Богом и с человеками...

Моли Бога о нас,святой угодник Божий Арсений.

Чужде матерем девство и странно девам деторождение:
на Тебе,Богородице,обоя устроишася.
Тем Тя,вся племена земная,непрестанно величаем.

Преполовившуся празднику,жаждущую душу мою
благочестия напой водами,яко всем,Спасе,возопил еси:
жаждай да грядет ко Мне и да пиет.
Источниче жизни нашея,Христе Боже,слава Тебе.

Празднику законному преполовляющуся,
всех Творче и Владыко,к предстоящим глаголал еси,
Христе Боже: приидите и почерпите воду безсмертия.
Темже Тебе припадаем и верно вопием:
щедроты Твоя даруй нам,Ты бо еси Источник жизни нашея.

Удалився бегая Давидски мира,
и вся еже в нем яко уметы вменив,
и в месте безмолвне вселився,духовныя радости
исполнился еси,отче наш Ниле: и Единому Богу
изволив служити,процвел еси яко финикс,
и яко лоза многоплодная умножил еси чада пустыни.
Темже благодарственно вопием: слава Укрепившему тя
в подвизе пустынножительства,слава Избравшему тя в России
отшельником уставоположника изрядна,слава
молитвами твоими и нас Спасающему.

Пред святою Твоею иконою,Владычице,молящиися
исцелений сподобляются,веры истинныя познание приемлют
и агарянская нашествия отражают.Темже и нам,к Тебе
припадающим,грехов оставление испроси,помыслами благочестия
сердца наша просвети и к Сыну Твоему молитву вознеси
о спасении душ наших.

Временная презревши и Небесных благ причастница бывши,
венец страдания ради приимши,Пелагие всечестная,
яко дар принесла еси кровныя потоки Владыце Христу.
Моли от бед избавити нас,твою память почитающих.

Столп был еси Православия,Божественными догматы
подтверждая Церковь,священноначальниче Афанасие:
Отцу бо Сына единосущна проповедав,посрамил еси Ария.
Отче преподобне,Христа Бога моли даровати нам велию милость.

Во святых дивная,Иверии светило,благоверная царице Тамаро,
на горах высоких храмы воздвигшая,да в них моления
возсылают ко Господу,мольбами твоими крепость даровавшая воем
христолюбивых людей страны Иверския,десницею же своею
полчища агарянская низпровергшая,моли Христа Бога
спастися душам нашим.

Когда снизшел еси к смерти,Животе Безсмертный,
тогда ад умертвил еси блистанием Божества.
Егда же и умершия от преисподних воскресил еси,
вся силы небесныя взываху:
Жизновдавче Христе Боже наш,слава Тебе.

Слава Отцу и Сыну и Святому Духу:

Благообразный Иосиф,с древа снем Пречистое Твое Тело,
плащаницею чистою обвив,и благоуханьми во гробе нове,
закрыв,положи; но тридневен воскресл еси,Господи,
подаяй мирови велию милость.

И ныне и присно,и во веки веков,аминь:

Мироносицам женам при гробе представ,Ангел вопияше:
мира мертвым суть прилична,Христос же истления
явися чуждь.Но возопийте: воскресе Господь,
подаяй мирови велию милость.

Радоватися мироносицам повелел еси,
плач праматере Евы утолил еси воскресением Твоим,
Христе Боже,апостолом же Твоим проповедати повелел еси:
Спас воскресе от гроба.

От святыя иконы Твоя,о Владычице Богородице,
исцеления и цельбы подаются обильно с верою
и любовию приходящим к ней; тако и мою немощь
посети,и душу мою помилуй,Благая,
и тело исцели благодатию Твоею,Пречистая.

Царево повеление преобидев,
Царство Небесное получил еси,Василие,
в немже ликуя,поминай нас,чтущих
память твою,священномучениче.

Возсия нам,яко солнце светозарное от востока в велелепии,
Твоя,Владычице,икона,озаряющи чудес сиянием преславно всех,
приходящих к ней с верою и любовию и молящихся усердно
к Твоему,еже о Сыне Твоем и Бозе,величию.
Слава Богу,Евфросином сию давшему нам!
Слава Приведшему ю от Царьграда!
Слава Дающему тою всем исцеления.

Непобедимый явлься стратилат,варварския козни
победил еси и,страдальчествовав,славне,твердейши,
множество врагов невидимых поборил еси,
темже венец исплел еси победы.
О нас моли Христа,Савво всеблаженне,
верою почитающих тя.

Величаем тя,святый великомучениче и победоносче Георгие,
и чтим честная страдания твоя,яже за Христа претерпел еси.