Помяни,Господи,яко Благ,рабы Твоя,
и елика в житии согрешиша,прости:
никтоже бо безгрешен,токмо Ты,
могий и преставленным дати покой.

Твоего предстательства уверение и милосердия Твоего явление
икона Озерянская нам,Владычице,показася; пред неюже
души наша в молитве изливаем и верою Тебе вопием:
воззри,Милосердая,на люди Твоя,вся скорби наша
и печали утоли,утешение благое в сердца наша низпосли
и спасение вечное душам нашим,Пречистая,испроси.

Запечатану гробу,Живот от гроба возсиял еси,Христе Боже,
и,дверем заключенным,учеником предстал еси,всех Воскресение,
дух правый теми обновляя нам по велицей Твоей милости.

Любопытною десницею жизнеподательная Твоя ребра
Фома испыта,Христе Боже: созаключенным бо дверем
яко вшел еси,с прочими апостолы вопияше Тебе:
Господь еси и Бог мой.

Величаем Тя,Живодавче Христе,
нас ради во ад сшедшаго и с Собою вся воскресившаго.

Христа,истиннаго Бога,всею душею возлюбил еси
и Тому невозвратным желанием последовал еси,
вся же красная и сладкая мира сего возненавидев,
яко небопарный орел,на Небеса возлете и тамо со Ангели
ликуеши,и со всеми святыми Святей Троице предстоиши,
моли и нам спастися,чадом твоим,якоже обещася,
Александре преподобне,отче наш.

Сердцем и душею возлюбив Христа Господа,
вся красная мира сего оставил еси,изволил же еси
паче в смирении и послушании Богу служити,нежели на престоле
царстем владети.Сего ради благочестно восхваляем тя
и,святую память твою совершающе,вопием ти:
отче Иоасафе Богоблаженне,
моли Христа Бога о спасении рода нашего христианского.

Предстательство христиан непостыдное,
ходатайство ко Творцу непреложное,
не презри грешных молений гласы,
но предвари,яко Благая,на помощь нас,
верно зовущих Ти: ускори на молитву и потщися
на умоление,предстательствующе присно,Богородице,чтущих Тя.

Христос воскрес! Воистину воскрес!

Яко многоценное сокровище прият град Шуя
чудесно написанную икону Твою,Пресвятая Владычице
Дево Богородице,во исцеление лютыя язвы и во утешение
православных,Тобою дарованную,от неяже источники благодатныя
и до ныне обильно изливаются.
Пробави,Пречистая,и на будущее время милости Твоея
ведушим Тя,храни град Твой и всю Русскую землю
и спасай людей,к Тебе с верою и любовию притекающих.

25.Тогда Он сказал им: о,несмысленные и медлительные сердцем,чтобы веровать всему,что предсказывали пророки!
27.И начав от Моисея,из всех пророков изъяснил им сказанное о Нем во всем Писании.

О Всемилостивая Госпоже,Царице Богородице,
от всех родов избранная и всеми роды
небесными и земными ублажаемая!
Воззри милостивно на предстоящия пред святою
иконою Твоею люди сия,усердно молящияся Тебе,
и сотвори предстательством Твоим и заступлением у Сына Твоего
и Бога нашего,да никтоже отыдет от места сего тощ
упования своего и посрамлен в надежде своей,
но да приимет кийждо от Тебе вся по благому изволению
сердца своего,по нужде и потребе своей,во спасение
души и во здравие телу.

Иже земных чести и славы отвергшеся,
доблии и честнии страдальцы,веры ради крепко
и мужественно муки претерпесте,на смерть себе вдавше
за Живот всех - Владыку.Темже и Христос
преславно столпом облачным с Небесе вас озари
и почестьми и венцы от Престола славы венча.
Со Ангелы Тому предстояше,молите спастися душам нашим.

Истинных повелений устне распространил еси,
зловерие низложил еси,Богомудре Мартине,
святителю всечестне,поминай нас,угодниче Христов,
еже к Нему ходатайствы твоими,да в мире устроиши живот наш.

Воскресения день,просветимся,людие:
Пасха,Господня Пасха!От смерти бо к Жизни
и от земли к Небеси Христос Бог нас преведе,
победную поющия.

Слава Отцу и Сыну и Святому Духу,
и ныне и присно,и во веки веков.Аминь.

Небеса убо достойно да веселятся,
земля же да радуется,да празднует же мир,
видимый же весь и невидимый:
Христос бо воста,веселие вечное.

Приидите,пиво пием новое,
не от камене неплодна чудодеемое,
но нетления источник из гроба одождивша Христа,
в Немже утверждаемся.

Христос воскресе из мертвых,смертию смерть поправ,
и сущим во гробех живот даровав.

13.Христос искупил нас от клятвы закона,сделавшись
за нас клятвою(ибо написано: проклят всяк,висящий на древе)(Второзак.21,23).
14.Дабы благословение Авраамово чрез Христа Иисуса распространилось на язычников,чтобы нам получить обещаннаго Духа верою.

Да молчит всякая плоть человеча,
и да стоит со страхом и трепетом,
и ничтоже земное в себе да помышляет:
Царь бо царствующих и Господь господствующих
приходит заклатися и датися в снедь верным.
Предходят же сему лицы ангельстии со всяким
началом и властию,многоочитии херувими
и шестокрилатии серафимы,лица закрывающе
и вопиюще песнь: аллилуйа,аллилуйа,аллилуйа.

Днесь светло красуется град Муром,
яко зарю солнечную,восприемши,Владычице,
чудотворную Твою икону,к нейже ныне мы притекающе
и молящеся,Тебе взываем сице:
о Пречудная Владычице Богородице,
молися из Тебе воплощенному Христу Богу нашему,
да избавит град сей и вся грады и страны христианския
невредимы от всех навет вражиих и спасет
души наша,яко Милосерд.