Яко Божественное сокровище,сокровенное в земли,
Христос откры главу твою нам,Пророче и Предтече.
Вси убо,сошедшеся,в сея обретение,песньми благоглаголивыми
Спаса воспоим,Спасающа нас от тления молитвами твоими.

Светоявленный и Божественный в мире столп,
солнца светильник,Предтеча,главу светоносную
и Божественную свою показавый в концех,освящает той
верно покланяющихся и взывающих:
Христов премудрый Крестителю,спаси всех нас.

Величаем тя,Крестителю Спасов Иоанне,
и почитаем вси честныя твоея главы обретение.

Апостолом сопричастник и к Богу молебник верен,
добродетельми возшед на Небесная,и любовь возложил еси
к Любящему тя,и неверныя люди обратил еси в веру.
Тем ныне,со Ангелы ликуя,предстоиши престолу славы всех,
Царя Христа Бога: молися,святителю Леонтие,
да спасет души наша.

Вознеслся во славе,Христе Боже наш,
радость сотворивый учеником обетованием Святаго Духа,
извещенным им бывшим благословением,яко Ты еси
Сын Божий,Избавитель мира.

Величай,душе моя,вознесшагося от земли
на Небо Христа Жизнодавца.

Тя,паче ума и словесе Матерь Божию,
в лето Безлетнаго неизреченно Рождшую,
вернии единомудренно величаем.

Священник Бога Вышняго,благославивший Авраама:
прообраз И.Христа - вечного Первосвященника и Царя.

Господь поклялся и не раскается в Истине Своей:
Ты иерей вовек по чину Мелхиседека(пс.109).

Ибо Иисус Христос есть присно Отец наш небесный.

Иже отчее нечестие возненавидев,преблаженне княже Довмонте,
и нощи страстныя избег,еже к идолом тщание,
прииде мыслию к Солнцу славы - Христу,
озарився благодатию Божественнаго Крещения,
и ныне во свете Пресвятыя Троицы предстоя,
моли Христа Бога сохранити и спасти православныя люди
и град твой от безбожных агарян,и латин нашествия,
и междоусобныя брани,и спастися душам нашим.

Мучеником сострадалец явлься и оружник,
воин изрядный Царя славы был еси,
искушеньми и мукою возвышение идолослужителей
попрал еси,сего ради честную твою поем память,
мудре Фалалее.

Бденными молитвами и потоки слезными
пустыню напоил еси и из глубины воздыханьми ю
расплодил еси и бысть постнически равно Ангелом житие твое;
страдальчески бореньми,яже от бесов и от ненаказанных человек
претерпел еси,и Ангелом собеседник явися,
Божественнаго винограда насеятель быв;
и,оставив временное житие,преселился еси
в жилище Небесное.Темже тя почитаем,преподобне
отче наш Сергие,моли Христа Бога спастися душам нашим.

Звезду пресветлую богоразумия светом просвещшаго языки,
апостола Христова Андроника восхвалим,и с ним
во благовестии потрудившуюся Иунию премудрую,
вопиюще: молите Христа Бога непрестанно о всех нас.

Житейскую печаль и всяк мятеж мира сего
любве ради Христовы со дерзновением отвергл еси,блаженне,
и повеленная распятым Господем Иисусом Христом
вся исправил еси,и,Того ярем взем,
во всем воли Его повинулся еси,и,благочестив делатель,
животным заповедем Христовым благотрудно прилежал еси.
И сего ради Бог прослави тя и по преставлении чудеса показа
от честнаго гроба твоя,Темже и неоскудно угобзися
обитель твоя,и нищим бысть богатное пристанище и покров,
отче наш преподобне Евфросине,моли Христа Бога,
да спасет души наша.

Просветився Божественною благодатию,богомудре,
целомудрием многим и терпением во временней жизни
течение добре скончал еси.Тем и по смерти яви тя
светлость жития твоего: источаеши бо исцелений благодать
иже с верою притекающим ко святому твоему гробу,
Исидоре блаженне,моли Христа Бога,да спасет души наша.

Взбранному и дивному в праведницех,иже убо от Христа
дар чудес приемшему,похвальныя ныне принесем глаголы,
но яко имея дерзновение ко Святей Троице,Юже моли избавитися
от бед рабом твоим,да зовем ти: радуйся,богомудре Исидоре.

Управитель превеликий вселенней ты явился еси,святе,
твоими к Богу молитвами,темже воспеваем тя днесь,
мученице богомудре,Исидоре всеславне.

Вышния красоты желающи,нижния сласти телесныя
далече от себе отринула еси и,нестяжание
паче суетнаго мира возлюбивши,
ангельское житие провождала еси,Гликерие,
дево блаженная,моли Христа Бога спастися душам нашим.

Земная,прельщающая очеса миролюбцев,возненавидел еси,
отче Богоносне Дионисие,за уметы та вменив,
шествуя путем скорбным,и в терпении добр воин Христов
явился еси,победив страсти мира,был еси до кончины
непоколебимый благочестия поборник.Темже мы днесь,
совершая священную память твою,духовными тя песньми
ублажаем и смиренно молим,да,предстоя Престолу
Господа Бога,ходатайствуеши о спасении душ наших.

Величаем тя,апостоле Христов Ростиславе,
и чтим болезни и труды твоя,имиже трудился еси
во благовестии Христове.

Величаем вас,святии равноапостольнии Мефодие и Кирилле,
вся словенския страны ученьми своими просветившия
и ко Христу приведшия.