Страстотерпцы Господни,блаженна земля,напившаяся
кровьми вашими,и свята селения,приимшая телеса ваша;
в тризнищи бо врага победисте и Христа со дерзновением
проповедасте: того яко Блага молите спастися,
молимся,душам нашим.

Благочестивыя и богоносныя мученики,
яко на земли оставльшия вся,приял в наслаждение
благих Твоих и упокоение,Акиндина,Пигасия,Анемподиста,
с ними же Аффониа и Елпидифора же,едине сый Преблагий.

Многообразныя раны претерпел еси и венец прием
от Христа Бога,Емуже о нас молися,блаженне Епимаше,
верно совершающих память твою,да спасет души наша.

Истины свидетели и благочестия проповедники,
двоицу достойно почтим в богодухновенных песнех,
Зиновия вкупе с мудрою Зиновиею,купно жившия и отшедшия,
и мучением приимшия венец нетленный.

Девства водами очищена,преподобная,
мученичества кровьми,Анастасие,венчавшися,
подаеши сущим в нуждех недугов исцеление
и спасение приступающим от сердца:
крепость бо тебе подает Христос,
источаяй благодать приснотекущую.

Всесвятое и непорочное мучение принесши,
яко вено пречестное,Безсмертному Жениху Христу,
Ангельское ликостояние возвестила еси и победила еси
демонския козни: сего ради тя честно верою чтим,
мученице Параскево многострадальная.

Насадил еси добродетелей рай и напоил еси
токами слез твоих,яко жизни,всеславне,древо получив,
спаси молитвами твоими от тли стадо твое,избави
от обстояний тепле чтущих тя,Стефане,
тя бо,предстателя величайша,мудре,
вси верою и любовию стяжахом.

Мученическая честная память прииде днесь,
веселящи всяческая,Терентия премудраго и подружии его.
Тепле убо стецемся,да приимем исцеление,сии бо благодать
приемше от Духа Святаго исцеляти недуги и болезни душ наших.

Страдальчествовав добре,безсмертную славу наследовал еси
ныне,яко воин изрядный Владыки был еси,молитвами
Димитрия мученика: с ним убо,Несторе мудре,
моля не престай о всех нас.

Призираяй на землю и творяй ю трятися,
избави ны страшнаго труса прещения,Христе Боже наш,
и низпосли нам богатыя милости Твоя молитвами
Богородицы,и спаси ны.

Избави труса тяжкаго всех нас,Господи,и язвы нестерпимыя
грех ради наших.Пощади,Господи,православныя люди Твоя,
яже стяжал еси Твоею Кровию,Владыко;и град не предаждь в погибель трусом страшным,иного бо разве Тебе,Бога не вемы.
И воззови поющим: Аз есмь с вами,и никтоже на вы.

Велика обрете в бедах тя поборника вселенная,страстотерпче,
языки побеждающа,якоже убо Лиеву низложил еси гордыню,
и,на подвиг дерзновенна сотворив Нестора,тако,святе Димитрие,
Христу Богу молися даровати нам велию милость.

Кровей твоих струями,Димитрие,Церковь Бог обагри,
Давый тебе крепость непобедимую,и соблюдая
град твой невредим: того бо еси утверждение.

Днесь вера Христова утверждается камнем веры,
и ликовствует в веселии Иоппия,псаломски славословят
Жизнодавца Сына Божия вернии,видяще совершаемо велие чудо:
первоверховный апостол глаголет,и умршая востает от гроба,
юже Низложитель смерти дарует Церкви,да украшаются
во образ ея добродетельми люди.Приидите убо,христиане,
пренесем ко святей моления наша: блаженная Тавифо
и милосердная,вознеси наша воздыхания Пресвятей Троице
и молися со дерзновением,да сынове Света Превечнаго будем,
да сподобимся Божия милости,да пребываем в любви Божественней,и да царствует мир во вселенней.

Подвигшеся добре от младенства,Маркиане с мудрым Мартирием,
отступника Ария низложисте,невредну сохранше
Православную веру,Павлу последующе,мудрому учителю.
Темже с ним обретосте живот,яко Троицы поборницы изряднейшии.

Мужествовавше во Христе противу безбожнаго царя,
мученицы святии,и того неверие иудейское во Христа
обличивше,прияша мук томление и главам усечение;
тем восхвалиша тя Ангели,и верных роди тя прославляют,Арефо,
и пострадавших с тобою,яко молящихся присно о душах наших.

Болезньми святых,имиже о Тебе пострадаша,
умолен буди,Господи,и вся наша болезни
исцели,Человеколюбче,молимся.

Веселия ходатай нам наста,светоносный днесь
страстотерпец праздник,егоже совершающе
славим в вышних сущаго Господа.

Не умолчим никогдаже,Богородице,
псалмы и песньми воспевати величия Твоя,Обрадованная:
Бога бо востинну воплотившагося родила еси
во спасение наше всемирное и избавление.

Спаси от бед рабы Твоя,Богородице,
яко вси по Бозе к Тебе прибегаем,
яко нерушимей стене и предстательству.

Прославивый на земли святыя Твоя,
прежде втораго и страшнаго пришествия Твоего,Христе,
преславным востанием отроков показал еси воскресение
неведящим е,нетленна одеяния и телеса явив,
и царя уверил еси вопити: востинну есть мертвых востание.