Пресвятей Деве Богородице,дивными иконами Своими,
яко звездами,Церковь Православную украсившей
и православным людем земли Холмския
пречудный образ сей даровавшей,
благодарственное воспеваем пение; Ты же,
Пречистая,укрепи нас в Православной вере,да зовем Ти:
радуйся,Царице небесе и земли и любящая Мати
всех с верою чтущих Тя.

Величаем Тя,Пресвятая Дево,и почитаем
честную икону Твою,юже от лет древних
во граде Холме прославила еси.

Во имя Отца и Сына и Святого Духа.Аминь

Святую гору Божию и селение Вышняго
мудрствующе Тя,Дево Чистая,зовем:
слава Ти,матерем и девам Славо,
и Похвало человеческаго рода.

Слава Отцу и Сыну и Святому Духу,
и ныне и присно,и во веки веков,аминь.

По Божественному существу Отцу Своему
Единосущественный Бог Слово,от Девы единоестествен
человеком явися,плоть прием из пречестних кровей,
и Благословенную нарек Свою Матерь.

Днесь благовернии людие,осеняемии святым
Богоматери образом,во умилении глаголем:
Владычице,помози рабом Твоим в напастех,
скорбех и болезнех,обремененны бо грехми многими,
и избави ны от всякаго зла,молящи Сына Твоего,
Христа Бога нашего,спасти души наша.

Аще и многажды икона Твоя,Богородице,
уносима бысть с места явления,обаче чудесне
в пустыню возвращашеся,отонудуже всем верным
подает благо потребное.

Пресвятая Богородице,спаси нас.

Тя Заступницу мира и Богоматерь
всего живота моего,и спасение предлагаю,
Ты бо Бога рождши спасти можеши поющия Тя,
и в заступление крова Твоего притекающих.

Боготечную звезду,от Назарета возсиявшую и весь мир
просветившую,зрим Тя,Пресвятая Дево: мал бо бе град,
егоже освятила еси рождеством Твоим,и презираем бе
у людей,чесо ради вси глаголаху: от Назарета
может ли что добро быти? Обаче немощная
и уничиженная избра Бог,да крепкая посрамят,
и яви от Назарета Тя всему миру Цвет Неувядаемый,
девством присноцветущий,всех святых Святейшую Деву,
греха во всем житии Своем не единаго же познавшую,
да вси о Тебе благодарственно воспоем Богу:
Слава Тебе,Боже наш.

Мироположнице и Скиние Пресвятая Бога Слова,
нам слово даждь и мысль управи,во еже пети Тя,
яко Благую Благому Родительницу.

Всесильная Владычице,нас,немощных,
препояши силою на сопротивных,подая
немощней плоти крепость: о Тебе бо
и немощнии крепкия враги побеждают,
и победительная в песнех дароносят.

Небесных и земных Царица сущи,
не забуди нищих нас рабов Твоих,
но яко Всемогущая,от Своих сокровищ
подаждь милостию прощение грехом нашим:
яко Человеколюбивая Мати.

Священства одеждею обложен премудре,
по закону Божия всесожжения приятна священнолепно
приносил еси,Захарие,и был еси светильник и зритель тайных,
знамения в тебе благодати нося явственно всемудре.
И мечем убиен быв в храме Божии,Христов пророче,
с Предтечею моли спастися душам нашим.

Яко луна полна,Свет Правды от Мысленнаго Солнца Мессии
прияла еси,и во всех заповедях Господних с Захарием
ходила еси,Боговозлюбленная Елисавето. Достойними убо
Тя песнями ублажающе,Всещедраго Света,просвещающаго всех,
Господа величаем.

Слава Отцу и Сыну и Святому Духу,
и ныне и присно,и во веки веков,аминь.

Благословен Бог

Иже во огни купины неопалимыя,древле Моисеем виденныя,
тайну воплощения Своего от Неискусобрачныя Девы Марии
Прообразовавый,Той и ныне яко чудес Творец и вся твари
Создатель икону Ея святую чудесы многими прослави,
даровав ю верным во исцеление недугом и в защищение
от огненнаго запаления. Сего ради вопием Преблагословенней:
Надеждо христиан,от лютых бед,огня и грома избави
на Тя уповающия,и спаси души наша яко Милосерда.

Пресвятая Богородице,спаси нас.

На высоту добродетелей возшел еси пророче Моисее:
и сего ради сподобился еси видети славу Божию,
скрижали благодатныя закона прият и начертаний
благодать в себе нося,и пророков был еси
честная похвала,и благочестия великое таинство.

Пророка Твоего и Боговидца Моисея,
Господи,память празднующе,тем Тя
молим: спаси души наши.

По величию Твоему,Пречистая,блажат Тя вси роди,
и мы с ними блажим песньми,чтуще Тя
раболепным поклонением,и величаем.

Величаем Тя,Пресвятая Дево,Богоизбранная Отроковице,
и чтим образ Твой святый,имже точиши исцеления
всем,с верою притекающим.

Господи,благослови