Величам Тя,Богородице Дево,
и почитаем чудотворную икону Твою,
еюже благоволила еси спасти землю Калужскую
от нашествий вражиих и всегубительных болезней.

От утробы неплодныя явльшася пророка
в ложеснах Девических,во чреве Носимому
неизреченно,священнаго воспоим Предтечу.

Святый пророче,Предтече и Крестителю
Господень Иоанне,моли Бога о нас.

Воистинну в тебе не солга Божественный глас:
ты бо во пророцех больший еси,яко пророчеству
сподобился от самыя утробы в несовершенне телеси,
и прореченнаго тобою Бога Слова и видев,и крестив телеси.

Слава Отцу и Сыну и Святому Духу,
и ныне и присно,и во веки веков,аминь.

Древних яко ходатай и новых,Предтече,
Евангельских проповеданий ты,представ,
смешение беззаконное мучительское обличил еси,
славную смерть,радуяся,приял еси.

Святый пророче,Предтече и Крестителю
Господень Иоанне,моли Бога о нас.

Роса глагол твоих честных исцеление болезней
воистинну твоему супружнику бысть вкусившу
лучших любовь,Богомудрая Наталие,
мучеников сожительнице.

Посрамив безбожных суетства и возжелав Христову красоту,
столп благочестия верным был еси,мучениче,
страстотерпче Адриане всеблаженне.

Святии мученицы Адриане и Наталие,молите Бога о нас.

Избранней Заступнице рода христианского,
покрывающей и спасающей люди правоверныя,
иноком благоскорбящим Подательнице вечнаго радования,
благодарственная от души восклицаем пения. Ты же,
яко нарекшияся Умиление,призри на ны милостивно
и умиление нам даруй,да со дерзновением
воспеваем Ти радостно: Радуйся,Всеблагая Владычице,
умиление и спасение наше.

О Чудная и Пречудная Царице Богородице,
Мати Христа Бога нашего! Услыши ны грешныя
и недостойныя рабы Твоя,в час сей припадающия
и прилежно вопиющия: от бед избави нас,Владычице,
и заступи,не презри слез и воздыхания нашего,
и избави нас от всякия скорби и напасти,
от злаго же и лютаго оклеветания;
разве бо Тебе Предстательницы и Ходатаицы теплыя
к Сыну Твоему,Христу Богу нашему,не имамы.
Емуже молися,да спасет Тебе ради души наша,
ныне и присно и во веки веков. Аминь.

Всех немощных крепосте,печальных утешение,
страждущих посещение,верных дерзновение Ты еси,
Пречистая Владычице Богородице; всех притекающих
под сень Креста Господня ко спасению приводиши,
да последуют Искупителю Богу,поюще песнь:
Слава Тебе,Боже наш.

Песнь возслати подаждь,Христе,помощь свыше
рабом Твоим,да принесем от теплыя любве хваление
в памяти угодника Твоего Тебе,Единому Владыце.

Преподобне отче наш Алипие,моли Бога о нас.

Несть Тебе подобен в бозех,Христе,
действом бо Твоего Пресвятаго Духа
изобразил еси икону Матере Твоея нерукотворенне,
и бысть чудо велие,емуже самовидец бе преподобный Твой,Господи.

Преподобне отче наш Алипие,моли Бога о нас.

От иконного художества своего,отче,
навыкл еси духовныя детели воображати,
добре бо убелив свиток сердца своего
слезными потоки,написал еси
памяти о Бозе помышление.

Преподобне отче наш Алипие,
моли Бога о нас.

Радуйся,свитче,Богоневестная Дево,
на Немже перстом Божиим написася отчее Слово,
напиши на свитце сердца моего память Страшнаго суда
и грядущими мучении удержи е от злых,молюся.

Слава Отцу и Сыну и Святому Духу,
и ныне и присно,и во веки веков,аминь.

Скрижале,имущая Духом Святым написанный несказанно
Образ Ипостаси Отчия,мое злообразие,Мати Дево,
во благообразие благих деяний претвори,да отныне
уготовлюся послужити Христу,Богу моему и Владыце.

Преподобне отче наш Алипие,моли Бога о нас.

Отверзый ум разумети Писания учеником Твоим,Господи,
отверзи ныне и наша сердца к разумению величия Твоего
и Матери Твоей,да с Нею Боголепно прославим Тя.

Слава Отцу и Сыну и Святому Духу,
и ныне и присно,и во веки веков,аминь.

Отверзти толкущим двери милосердия Твоего обетовавый,
Владыко наш,отверзи нам утробы человеколюбия Твоего,
имея на сие молящую Тя Ходатаицу.

Пресвятая Богородице,спаси нас.

Отверзшая Рождеством Твоим врата вечная,
Богородительница Пречистая,отверзи предстательством Твоим
заключенныя сердец наших двери,да Сын Твой и Бог наш
внидет и освятится.

Пресвятая Богородице,спаси нас.

Днесь светло торжествует Печерская обитель
и радуется явлением образа Богоматере
безмерный лик Печерских отцев,
с нимиже и мы непрестанно вопием:
радуйся,Благодатная,Печерская похвало.

Образом радостотворным честныя Всецарицы,
желанием теплым взыскающих благодати Твоея,
спаси,Владычице; избави от обстояний к Тебе прибегающих,
от всякия напасти огради стадо Твое,к заступлению Твоему
взывающее присно.

Превечная Премудросте,Христе Боже наш!
Божественным смотрением Своим преклонивый небеса,
благоволил еси вселитися во утробу Чистыя Отроковицы,
средостение вражды разрушив,освятил еси естество наше
и Царствие Твое нам отверзл еси; сего ради Тебе,Творца
нашего и Избавителя,и рождшую Тя,спасения нашего тайне
послужившую Деву Чистую,православно величаем.

Слава Отцу и Сыну и Святому Духу,
и ныне и присно,и во веки веков,аминь.

Жизни присносущныя и лучшия,
смерть Твоя бысть прехождение Чистая,
от привременных к Божественней воистинну
и непреходимей,преставляя Тя,Чистая,
в веселии Сына зрети Твоего и Господа.

Блажим Тя вси роди,Богородице Дево,
в Тя бо невместимый Христос Бог наш
вместитися благоволи. Блажени есмы и мы,
предстательство Тя имуще,день бо и нощь
молишися о нас,и скиптры Царствия Твоими
молитвами утверждаются. Тем воспевающе
вопием Ти: радуйся,Благодатная,
Господь с Тобою.

Пресвятая Богородице,спаси нас.

Всё упование моё на Тебя возлагаю,
Святая Мати Божия,сохрани меня
под кровом Твоим.

Пресвятая Богородица,спаси нас.

Благодарственная приносяще Ти раби Твои,Богородительнице,
о всех,имиже благодеяла еси граду нашему,
из глубины души взываем Тебе: не престани,Владычице,
Матерними к Сыну Твоему молитвами подавати
вся благая и спасительная всем с верою и любовию
вопиющим Тебе: радуйся,Дево,христиан Похвало.
------------------------------------------------------
Восприимши души человеческия и утоливши злый совет,
сокруши,Богомати Владычице,и разгони тьму прегрешений,
и нас настави на путь смирения,яко да и мы будем
во свете дел ходити,и Твоея иконы явлению торжествовати,
и на помощь Твою уповати,и умильным гласом звати,
Владычице,из глубины: помози,Едина Благословенная.
------------------------------------------------------
Животворящей Премудрости источник чудес
честный образ Твой,Богородице Дево,молящеся,
к нему любовию усердно притекающе,светло празднуем
и из глубины души вопием Ти: спаси,Владычице,
верою покланяющихся цельбоносному Твоему
святому образу,тем,благодаряще,Тя величаем,
яко Матерь Божию,спаси архиереи православныя,
и сохрани землю Русскую и вся люди,иже Тебе чтущия,
соблюди,да хвалебныя Ти дары,грешнии,приносим,Благодатная:
радуйся,Дево,христиан Похвало.

Начало и худость моего естества познавая,
молю Тя,Дево,даждь ми прозрение самолюбия,бегство
человеческия хвалы,познание собственнаго греха
и собственныя немощи,едина Богоблаженная.

Пресвятая Богородице,спаси нас.

Низложи во мне налоги бесовския,
гордость в добродетелех,лицемерие в святости,
тщеславие во бдении,высокоумие в благоговении
и неблагодарность в благодеяниих Сына Твоего,
Едина Всепетая Дево.

Пресвятая Богородице,спаси нас.