Сыны Твоя нарече нас распятый Господь,Чистая,
темже от греховныя тьмы избавльшихся
яви нас воистинну чада Божия,
да со дерзновением воззовем: Отче наш Небесный,
слава Тебе,благоволившему породнити нас
Страстьми Христовыми.

Пречистая Богомати,Богородице,
Собор Твой честный украшен
многоразличными щедротами,
дары Ти приносят,Госпоже,
многи мирстии людие,
узы наша грешныя раздери
Своею милостию и спаси
души наша.

Се Дева,якоже древле рече,
во чреве приемши родила есть Бога
вочеловечшася,и пребывает Дева. Еяже ради
примирившеся Богу грешнии,Богородицу сущую
воистинну вернии воспоим.

Слава,Господи,Святому Рождеству Твоему.

Победоноснаго Воскресения истинноименитая
наречена еси,мученице Христова,победы на враги
поставила еси мук терпением,Христа ради,Жениха твоего,
Егоже возлюбила еси. Того моли спасти души наша.

Слава Отцу и Сыну и Святому Духу,
и ныне и присно,и во веки веков,аминь.

Величаем вас,страстотерпцы святии,
и чтим честная страдания ваша,
яже за Христа претерпели есте.

Архангельский глас вопием Ти,Чистая Приснодево:
Радуйся,Благодатная,яко родила еси Спасителя миру,
Христа Человеколюбца.

Величаем Тя,Пресвятая Дево,Богоизбранная Отроковице,
и чтим образ Твой святый,имже точиши исцеления
всем,с верою притекающим.

Несть исчислити возможно величия Твоя,Богородице,
ниже изрещи неисследимую паче ума глубину чудес Твоих,
совершаемых присно,любовию Тя чтущим и верою покланяющимся,
яко воистинну Бога рождшей.

Величаем Тя,Пресвятая Дево,
Богоизбранная Отроковице,и чтим
образ Твой святый,имже точиши исцеления
всем,с верою притекающим.

От корене Иессеева и от чресл Давидовых,
Богоотроковица Мариам раждается днесь нам:
радостию бо радуются всяческая и обновляются.
Срадуйтеся купно,небо и земля,восхвалите Ю
отечествия языков. Иоаким веселится и Анна
торжествует зовущи: неплоды раждает Богоотроковицу
и Питательницу Жизни нашея.

Отверзшая двери милосердия Божия
архангельское приветствие Тебе приносившему,
не затвори и от нас утробы человеколюбия Твоего,Тя воспевающих.

Пресвятая Богородице,спаси нас.

Чудно бысть житие Твое на земли,Преславная Мати Дево,
но Небесное Твое жительство чуднейше есть: непрестанно бо
являеши чудеса матерняго Твоего милосердия Тя воспевающих.

Слава Отцу и Сыну и Святому Духу:

Сына,от Отца безлетно раждающагося в последняя лета,
зачала еси осенением Духа Святаго,вечную радость миру родивши.

И ныне и присно,и во веки веков,аминь:

Радуйся,Дево,невместимаго Бога во чреве вместившая,
и Того яко Младенца носившая,и сосцы Твоими питавшая.

Радуйся,Всеблаженная Богородице,Чистая Приснодево.

Днесь безчадия узы разрешаются,
Иоакима бо и Анну услышав,Бог
паче надежды родити тем яве обещавает
Богоотроковицу,из Неяже Сам родися Неописанный,
Человек быв,Ангелом повелев вопити Ей:
радуйся,Благодатная,Господь с Тобою.

Величаем Тя,Пресвятая Дево,и чтим
святых Твоих родителей и всеславное
славим зачатие Твое.

Источаеши исцелением струи болящим,Дево,всюду:
Тя бо источник показа исцелений,Владычице,
Иже милости Господь,из Тебе рождейся паче ума.

Слава Отцу и Сыну и Святому Духу,
и ныне и присно,и во веки веков,аминь.

Пение Пресвятей Троице паче иных принесл еси,
преблаженне Николае,умом,словом и делом:
многим бо испытанием правоверная повеления
уяснил еси,верою,надеждою и любовию наставляя нас
в Троице Единому Богу воспевати: Слава Тебе,Боже наш!

Святителю отче наш Николае,моли Бога о нас.

Пение Пресвятей Троице паче иных принесл еси,
преблаженне Николае,умом,словои и делом:
многим бо испытанием правоверная повеления
уяснил еси,верою,надеждою и любовию наставляя нас
в Троице Единому Богу воспевати: слава Тебе,Боже наш.

Святителю отче наш Николае,моли Бога о нас.

Слава Отцу и Сыну и Святому Духу,
и ныне и присно,и во веки веков,аминь.