Умервщление плодом мне Ева принесе,
Ты же,Жизнь рождши Ипостасную Пречистая,
абие исправила еси. Темже зовем Ти:
слава силе Твоей.

Царице моя Преблагая,Надеждо моя Богородице,
Прибежище сирых и странных Предстательнице,
скорбящих Радосте,обидимых Покровительнице!
Зриши мою беду,зриши мою скорбь,помози ми
яко немощну,направи мя яко странна.
Обиду мою веси,разреши ту,якоже волиши:
яко не имам иныя помощи разве Тебе,
ни иныя предстательницы,ни благия утешительницы,
токмо Тебе,о Богомати,яко да сохраниши мя
и покрыеши во веки веков. Аминь.

Тварей явилася еси Чистая,всех видимых
и невидимых превышши Всенепорочная,
Зиждителя бо родила еси,якоже изволи
воплотитися во утробе Твоей. Егоже
со дерзновением моли спасти поющия Тя.

Во имя Отца и Сына и Святого Духа.Аминь

Паче солнечных лучь,Твоим блистающим омофором,
освещаеши Церковь и люди,и тьму грехов наших отгониши
посещением Твоим,Богородице,к Сыну Твоему
и Богу за ны молящися.

Пресвятая Богородице,спаси нас.

Помяни нас во Твоих молитвах,Госпоже Дево Богородице,
да не погибнем за умножение грехов наших. Покрый нас
от всякаго зла и лютых напастей: на Тя бо уповаем,
и Твоего Покрова праздник чествующе,Тя величаем.

Слава Отцу и Сыну и Святому Духу,
и ныне и присно,и во веки веков,аминь.

Яко звезда пресветлая возсия в Российской земли
от иконы честнаго образа Твоего,Богородице Дево,
из обою очию текущи слезы Твоя,яко река,
и видевше народи псковстии,мужи и жены и с чады,
с плачем молящеся образу Твоему,сице глаголюще:
о Пресвятая Владычице Богородице,не забуди грешных
раб Твоих,молящихся Христу Богу нашему спастися нам.

Благословен Бог

Словесем Павловым научившися Богоневестная Фекло,
и верою утвердившися от Петра Богозванная,
первострадальница в женах,возшла еси на пламень,
яко на место благоцветущее,звери и юнцы устрашишася тебе,
вооружися бо Крестом. Тем моли всехвальная Христа Бога,
спастися душам нашим.

Слава Отцу и Сыну и Святому Духу.Аминь.

Плод чрева Твоего,Радость рождшая,
содея ликостоятель песнь пети Тебе,
велегласно радуйся провещавающа.

Величаем Тя,Пресвятая Дево,Богоизбранная Отроковице,
и чтим образ Твой святый,имже точиши исцеления
всем,с верою притекающим.

Во имя Отца и Сына и Святого Духа.Аминь

Всесвятая Дево,Бога Слова рождшая плотию,
души моея мрак Твоими молитвами отгнавши,
просвети,взывающа: Благословите,
вся дела Господня,Господа.

Величаем Тя,Пресвятая Дево,Богоизбранная Отроковице,
и чтим образ Твой святый,имже точиши исцеления
всем с верою притекающим.

Слава Тебе,Пресвятая Чистая Дева

Днесь светло красуется славный град Москва
и в Путивле ликование великое,яко чествуют,Богомати,
дивную икону Твою,медом благодати всех напояющую.

Притецем,людие,к Владычице нашей Деве Богородице,
икону бо Свою Молченскую нам даровала,токи исцелений
источающую,всякую помощь в душевных и телесных недугах
подающую и к жизни вечной приводящую.

Агницы словесныя Агнцу и Пастырю приведостеся
мучением ко Христу,течение скончавше и веру соблюдше:
темже днесь радостною душею совершаем,досточуднии,
святую вашу память,Христа величающе.

Страстотерпиц Христовых память празднующим,
и верою просяще помощи,избавитися всем
от всякия скорби,зовуще: Бог наш с нами,
иже сих прославивый,якоже изволи.