Спаси,Господи,народ Твой и благослови достояние Твоё,
победы над сопротивным даруя и Твоё сохраняя
Крестом Твоим жительство.

От земли Воззвавый тя к Небесным селением
соблюдает и по смерти невредимо тело твое,святе Евдокиме:
ты бо в целомудрии и чистом жительстве,блаженне,
жительствовал еси,не осквернив плоти.
Темже со дерзновением моли Христа Бога спастися нам.

Вышних желая,с вышними совокупляяся,
и колесницу огненную,Божественными восхожденьми добродетелей,
совершил еси душу,преблаженне Евдокиме,на земли пожив
яко безплотен,Зиждителю всех благоугодил еси.

Благочестиваго воина Христова,победившаго
враги душевныя и телесныя богомудренно,Иоанна мученика
достодолжно песньми восхвалим: чудодействуя бо
подает обильная исцеления страждущим людем
и молится Господу Богу от всяких бед спасти правоверныя.

Невесто Христова возлюбленнная,Серафимо,
наследнице Царствия Небеснаго,добре за Господа пострадавшая
и кровию твоею обагренная и,аки царскою багряницею,
украшенная,поминай нас,совершающих святую память твою.

Горняя красная достойно ныне наследовал еси,
Христовою бо зело любовию разжегся,на огнь,Каллиниче,
тем мужественно дерзнул еси,Емуже и ныне предстоя,
не престай моля о всех нас.

Вси вернии с радостию и утешением видят
образ Твой святый,на немже умиленно взираеши
на Богомладенца Христа,сего ради молим Тя,Всеблагая,
яко Матерь вся Содержащаго в деснице Своей Владыки:
воззри и на нас скоромилостиво,и умоли Господа,
да помилует нас недостойных.Научи нас,Владычице,
молитися Ему благоприятно,и неосужденно пети Ему
нескверными усты и чистым сердцем ангельскую песнь:
Слава тебе,Боже наш.

Мученицы твои,Господи,во страданиих своих
венцы прияша нетленныя от Тебе,Бога нашего:
имуще бо крепость Твою,мучителей низложиша,
сокрушиша и демонов немощныя дерзости.
Тех молитвами спаси души наша.

Яко святитель благочестно пожив,
и священномучения венец приял еси.
Идольския жертвы погасив,добрый пастырь
Христова стада был еси,премудре,и Пантелеимону
истинный учитель,сего ради почитем тя,
песньми вопиюще: от бед избави нас присно
молитвами твоими,Ермолае,отче наш.

Днесь град твой Галич тобою хвалится,
в концех бо его пресветло,яко велие солнце,
возсиял еси,и чудесы твоими,преподобне Макарие,
вся озарил еси.И ныне молися Господеви избавитися
душам нашим от прелести вражия и спастися
граду твоему от поганскаго наития.

От юности освящен бысть Господеви,преподобне отче Боголепе,
мира сего красоту оставил еси,желая древнему отечеству
наследовати,сохраняй град сей и люди,с верою притекающия
ко гробу твоему целебному,просяще помощи и заступления,
да вси воспоим ти: радуйся,отче Боголепе.

Световидная голубица позналася еси,
криле имуще злате,и к высоте Небесней возлетела еси,
Христино честная: темже твой славный праздник совершаем,
верою покланяющеся твоих мощей раце,из неяже
истекает всем обильно исцеление Божественное,
душам же и телом.

Предстоящи,преславная,у Креста Спасова со иными многими,
и Матери Господни состраждущи,и слезы точащи,
сие в похвалу приношаше,глаголющи:
что сие есть странное чудо?
Содержай всю тварь пострадати изволи: слава державе Твоей.

Блажен еси,отче наш Афанасие,
яко верно пожил еси,стоя бодренно
за святую Православную веру,со умилением
присно поя неседальное Пречистей,заповедуя
никомуже нарушати Православныя веры святыя,
пострадав за свидетельство истины даже до смерти.
Мы же,чтуще святыню твою,со дерзновением взываем ти:
отче наш,преподобномучениче Афанасие,
похвало и украшение наше.

Пророче и провидче великих дел Бога нашего,
Илие великоимените,вещанием твоим уставивый
водоточныя облаки,моли о нас Единаго Человеколюбца.

Величаем тя,святый пророче Божий Илие,
и почитаем еже на колеснице огненней
преславное восхождение твое.

Великаго во отцех подражая Паисия,
якоже он в пустыню,тако и ты в пещеру вселился еси,
идеже труды прилагая,блаженне,ко трудом,
и псаломскому пению выну прилежал еси,
моли о нас,поющих тя.

Бога Благаго всем сердцем возлюбила еси,Макрино преподобная,
и,Сего Крест честный на рамо приемши,усердно
последовала еси Ему,отонудуже согрешений
обрела еси прощение.