Троичнаго Божества осиянием просветився,страстотерпче
великий княже Михаиле,с премудрым болярином ти Феодором,
самозванна к подвигом устремистася,сквозе огнь не идоста,
кусту же и идолом не поклонистася,но оплеваста
и нечестиваго царя обличиста,Христа же Единаго от Троицы
Бога суща исповедаста.И того ради кровей своих струями
обагристася,славная.Темже и венцы от Него победная прияста,
и нас свыше назираета,молим вас,святыя,молите Того,
яко да вашими молитвами избавит нас от всяких
обстоящих ны зол и подаст нам вся благая,
Иже Един Сый прославляемый во святых Своих.

Не отрини мене до конца от лица Твоего,
Мати незаходимаго Света,не попусти мне погрязнути
в пучине беззаконий,но возведи мене от блата страстей,
да взыдет из нетления живот мой и пожру Тебе
со гласом хваления и исповедания.

Священия помазанием и мучения кровию украсился еси,
славне Власие,и сияеши всюду,в Вышних ликуя и нас назирая,
в храм твой пришедшия и в нем тебе непрестанно зовущия:
всех нас соблюди.

Подобствовав благодатию священства,славне,
Церковь светло украсил еси Божественным страданием,
еже за Христа приял еси доблественно радуяся,Харалампие
честный,светильниче всемирный,осияваяй концы,яко непобедимый.

Любве союзом связався,Никифоре,разрушил еси яве
злобу ненависти,и мечем во главу твою усечен был еси,
мученик Божественный воплощшагося Спаса,Егоже о нас
моли,поющих славную память твою.

Даже до усекновения и опаления,даже до кровепролития,
даже и до смертныя кончины пострадал еси,сопротивляяся
противу греху,мучениче Христов,ныне же,жизнь во Христе
сокровенную прием,взываеши: священницы,благословите;
людие,превозносите во вся веки.

Святой мучениче Трифоне,моли Бога о нас.

Для святых достаточной наградой и воздаянием служит самое служение Богу,как и для любящего довольно и той награды,чтобы любить,кого любит,так что он и не ищет ничего сверх того,и не думает,чтобы что-нибудь было больше этого. Если же так бывает по отношению к человеку,то гораздо больше в отношении к Богу.

___________________________________ Свт Иоанн Златоуст.
Их 1-й беседы к антиохийскому народу.

Твою страннонравную,Ксение,память совершающе,
любовно почитающие тя,поем Христа,во всех тебе
подающаго крепость исцелений,Емуже всегда молися
о всех нас.

Численность Российских новомучеников ХХ века намного превысила количество мучеников первых веков христианства: 400 епископов,десятки тысяч священнослужителей и монахов,сотни тысяч мирян пострадали за веру Христову.Неистова была злоба богоборцев.Но Русская Церковь устояла в любви к Богу. И прежде всего устояла верой миллионов и миллионов простых людей,которые не поддались льстивой,одурманивающей пропаганде безбожных властей и сохранили Христа в сердце своём,и любовь Его и терпение и надежду.
Слава тебе,святой русский православный народ.

Страстотерпче святый Иоанне,блаженна земля,
напившаяся крове твоея,Христа бо со дерзновением
проповедав,многия муки от неверных агарян приял еси,
страданьми своими противных дерзости низложив,
Троицы поборник явился еси,Юже и моли
даровати нам велию милость.

Избранная угоднице и Христа ради юродивая,
святая блаженная мати Ксение,избравшая подвиг терпения
и злострадания,хвалебное пение приносим ти,чтущия
святую память твою. Ты же заступи нас от враг
видимых и невидимых,да зовем ти: Радуйся,
Ксение блаженная,молитвеннице о душах наших.

Ублажаем тя,преподобне отче Максиме,
и чтим святую память твою,
наставниче монахов и собеседниче Ангелов.

Камень Христос,каменя веры прославляет светло,
учеников первопрестольника: созывает бо вся
праздновати,Петре,чудеси твоея честныя вериги,
и подает согрешений прощение.

Верховнаго и перваго апостолов,
истины Божественнаго ученика,Петра Великаго
восхвалим и того верою целуем вериги,
прегрешений разрешение приемлюще.

Храм твой всечестный,яко цельбу душевную обретше,
вси вернии велегласно вопием ти: дево мученице
Татиано великоименитая,Христа Бога моли
непрестанно о всех нас.

Светло во страдании твоем возсияла еси,страстотерпице,
от кровей твоих преиспещрена,и,яко красная голубица,
к Небеси возлетела еси,Татиано: темже моли присно
о чтущих тя.

Спасу приклоншу во Иордане главу,сокрушишася змиев главы,
Полиевктова же глава отсекшаяся льстиваго посрами.