Предстательнице нератная,о Одигитрие готовая!
Тверския земли и града Москвы красота и слава,
днесь в кров Твой вси прибегаем и умильно вопием
Твоему крепкому заступлению,просяще избавления
от злых наветников православия,присно борющих нас,
и получити,Богородительнице Чистая,токи неисчерпаемых
чудесных исцелений от Твоея пречудныя иконы,молитвой
предстоящаго пред Тобою Мирликийскаго чудотворца Николая,
да усердно вси Твое проповемы наше ограждение.

Святая равноапостольная великая
княгине Ольго,моли Бога о нас.

Умилосердися,Владыко,на новопросвещенныя люди Твоя,
не предаждь нас в руки поганых,за множество беззаконий наших,
но молитвами наставницы нашея Ольги избави ны от всякия напасти.

Во имя Отца и Сына и Святого Духа.Аминь

И ныне и присно,и во веки веков,аминь:

Неиспытана глубина,недоведомо таинство,
непостижим образ зачатия Твоего,зачатия без семене,
без мужа рождество. Безплотный воплотися,Превечный
младенствует,Сын Божий,Сын Тебе,Девы,бывает,
Емуже вопием: Боже,благословен еси.

Слава Отцу и Сыну и Святому Духу.

Предстательство страшное и непостыдное,
не презри,Благая,молитв наших,Всепетая Богородице,
Милостивая верных Домостроительнице,утверди
православных жительство,спаси страну нашу
и всех православно живущих в ней защити,
зане родила еси Бога,едина Благословенная.

Смирением достоинство княжеское сокрывши,
богомудрая Елисавето,сугубым служением Марфы и Марии
Христа почтила еси. Милосердием,терпением и любовию
себе предочистивши,яко жертва праведная Богу
принеслася еси. Мы же,чтуще добродетельное
житие и страдания твоя,яко истинную наставницу
усердно просим тя: святая мученице великая княгине
Елисавето,моли Христа Бога спасти и просветити души наша.

Дух Святый води твоими руками,преподобне...

Дух Святой води твоими руками,преподобне,
егда писал еси образ Пресвятыя Троицы,
в немже веру в Триединаго Бога показуеши.

Преподобне отче наш Андрее,моли Бога о нас.

Паче меры всякия благодать даровася ти,
преблаженне отче,святыя иконы писати,
наипаче же образ Пресвятыя Троицы;
Бога миру проповедуя,Бога Отца,
Бога Сына,Бога Духа Святаго,
Иже есть Едино Существо в Трех Лицах,
и Едина Премудрость,и Едина Сила,
Едино хотение,и Едино Божество.
Темже и явися Церкве нашея
похвала и радование.

Преподобне отче наш Андрее,
моли Бога о нас.

Дивныя Своя суды на тебе яви Господь,
пред Нимже тысяща лет,яко день един,
избра тя в древния веки,прославити же
восхоте в конце времен,во утверждение Церкви.

Преподобне отче наш Андрее,моли Бога о нас.

По блаженнем созерцании образа
неизреченную красоту первообраза
во свете Своем откры ти Господь,
блаженне отче,и нас учиши честь
и поклонение воздавати,не вещь
почитая,но первозданную красоту.

Преподобне отче наш Андрее,
моли Бога о нас.

Верою сердце утвердил еси незыблемо в Господе,
и славу Небесную созерцал еси сердечныма очима,
и благодатию Духа Святаго показуеши в вещественных образех
невещественная,да и мы ныне пробудимся от сна греховнаго
и узрим свет Истинный.

Преподобне отче наш Андрее,моли Бога о нас.

Притецем,вернии,к благодатному милости и щедрот источнику -
чудотворному Пречистыя Девы образу: сей бо нам свыше
даровася,душам и телесем во спасение,емуже покланяющеся
с любовию,возопием к Богородице: о Всепетая Мати,
о Царице Всемилостивая,покрый и соблюди нас от всякаго зла
Твоим к Богу Матерним предстательством.

Пресвятая Богородице,спаси нас.

Богородице Приснодево,человеков покрове,
ризу и пояс пречистаго Твоего телесе,
державное граду Твоему обложение
даровала еси,безсеменным рождеством Твоим
нетленна пребывающи,о Тебе бо и естество
обновляется и время. Темже молим Тя мир
граду Твоему даровати и душам нашим велию милость.

Заступнице земли Российския от нашествия свейскаго
и непрестанная за нас Молитвеннице,мир земли и душам нашим
у Господа испроси,да святится в нас имя Божие во веки.

Величаем Тя,Пресвятая Дево,Мати Христа Бога нашего,
и чтим образ Твой святый,от негоже источаеши
исцеления всем с верою к Тебе притекающим.

Простри длани Твоя,имиже всех Владыку
яко Младенца прияла еси,за множество благости;
не остави нас,всегда надеющихся на Тя,бодренною
Твоею молитвою и неисчетною простынею ущедри нас
и подаждь душам нашим милосердие Твое,во веки источающи:
Тебе бо имамы,грешнии,Заступницу находящих на ны бед и зол.
Но,яко имущи милосердия щедроты,ускори на молитву и потщися
на умоление,предстательствующи присно,Богородице,чтущих Тя.

Пресвятая Богородице,спаси нас.

Просвети душу мою,ум и сердце,Премилостивая Мати Божия,
и даждь ми дар воспети Тя,крепкую Предстательницу,
благих Ходатаицу и в печалех сладкое утешение.

Пресвятая Богородице,спаси нас.

Христе Иисусе,Превечный Царю и Многомилостиве,
пречестнаго Твоего образа и рождшия Тя Приснодевы
просвети нас явлением и подаждь нам согрешений
оставление и от бед избавление.

Пресвятая Богородице,спаси нас.

Храм прекрасный,Содетель всех,едину Тя обрет,
в Тя вселися и человеки обожи. К Немуже за ны,
Богородице,молися,спасти ны от поганых пленения
и всякия иныя скорби,находящия на ны,
да Твоего днесь образа сретение всечестно празднуем.

Пресвятая Богородице,спаси ны.

Видящи премилосердная Матерь Божия
скорбное житие наше,немощи и болезни,
благоизволи дати нам в радость и спасение
и от всяких бед и напастей ограждение
икону Свою святую. Не умолчим никогда,
Заступнице наша преславная,о всех Твоих
благодеяниих,да не будет под спудом свет
чудес Твоих. Сего ради величаем Тя,возвеличившую
род наш Твоим благоволением,прославляем благочестным
пред святым образом поклонением и благодарственно
вопием о Тебе Богу: Слава Тебе,Боже наш.