Во имя Отца и Сына и Святого Духа.Аминь

Яже древле пророки проповедася,Дверь Небесная,
Неопалимая Купина,Свещник Многосветлый,
Златая Кадильница,Ручка и Жезл преславно днесь
чудному святителю является,народом дерзати
повелевает и дивную победу показует.
Темже благодарная Той возопиим:
Дево Богородительнице,моли Христа Бога
грехов оставление даровати нам,Тебе бо
имамы надежду,раби Твои.

Пресвятая Богородице,спаси нас.

Слава Отцу и Сыну и Святому Духу,
и ныне и присно,и во веки веков,аминь.

Лик честный божественне,мучениколюбцы,
возвигните ныне,почитающе всемудрую Екатерину,
сия бо в тризнищи Христа проповеда и змия попра,
риторов разумом укротивши.

Величаем тя,страстотерпице Христова Екатерино,
и чтим честное страдание твое,еже за Христа претерпела еси.

Благочестиваго и венценоснаго Александра,
сошедшеся,по достоянию восхвалим,
яко чудес подателя обильнаго
и Господу молящася о всех нас.

Святый благоверный княже Александре,
моли Бога о нас.

Видяще праведнии родители Твоя,Пресвятая Дево,
яко три лета исполнишася от рождества Твоего,
восхотеста совершити делом обетование свое,
еже первее словесы изрекоша,да принесут Тя
в дар Богу,сего ради созваша в Назарет вся
сродники своя от царскаго и архиерейскаго рода,
и священники многия,пригласиша же и лик чистых дев,
да со свещи горящими провождают Тя,якоже предрече Писание:
Приведутся Царю девы в след Ея,искренния Ея приведут Тебе,
приведутся в веселии и радовании,введутся в храм Царев.
И тако совокупльшеся вси и помолившеся о Тебе Богу,
воспеша Ему: Слава Тебе,Боже наш.

К Тебе,Премилосердая Мати,возношу мое грешное сердце;
пред Тобою,Благодатная,повергаю немощи души и тела моего:
молитвами Твоими заступи и помилуй мя.

Величаем Тя,Пресвятая Дево,Богоизбранная Отроковице,
и чтим образ Твой святый,имже точиши исцеления
всем,с верою притекающим.

Разсеяся ум мой,одебеле сердце,немощствует мое произволение.
Владычице Богородице,умилосердися о мне грешнем,исцели
душу мою и,яко Благаго Сына моего Благая Мати,спаси мя,
да выну вопию Ему: Благословен еси,Господи Боже,во веки.

Величаем Тя,Пресвятая Дево,Богоизбранная Отроковице,
и чтим образ Твой святый,имже точиши исцеления
всем,с верою притекающим.

Чудеса святых Твоих мученик
стену необориму,нам даровавый,Христе Боже,
тех молитвами советы языков разори,Церковь святую
укрепи,яко един Благ и Человеколюбец.

Притецем,людие,со дерзновением к Милостивой
Царице Богородице,и умиленно воззовем к Ней:
ниспосли,Владычице,милости Твоя богатыя,сохраняя
во здравии и благоденствии грешныя рабы Твоя.
Болящия исцели,скорбящия утеши и бедствующим помози.
И сподоби нас,Премилостивая,благочестно житие сие земное
скончати,христианскую непостыдную кончину получити
и Небесное Царствие унаследовати. Град наш избави
от всякаго злаго обстояния,ограждая Твоим
милостивым заступлением. Мирови мир даруй
и спасение душам нашим испроси.

Во имя Отца и Сына и Святого Духа.Аминь

Наготою телесною и терпением обнажил еси
вражия коварствия,обличая неподобное его деяние,
зельне стражда солнечный вар и нуждныя великия студени,
мраза и огня не чул еси,Божиею помощию покрываемь,
Максиме премудре,о верою творящих память твою честно
и усердно притекающих к мощем твоим моли избавитеся
от бед и падения избежати.

Благословен Бог

Тя,священна иконома,Ерасте,Церкве Христовы,
сущия во Иерусалиме,пиша,проповедаше Павел апостол.

Да похвалится божественный Олимп песнопеньми
и Родион с ним да возвеличится благочестно,
течение совершивше мучения с Петром
Богопроповедником в Риме,главами отсекаеми.

Божественный Куарт да почтится песнопеньми.

Священнодействуя священное Евангелие,
сиянии Духа души просветил еси,избавив
от тьмы идолонеистовства,Тертие апостоле.

Днесь веселится вся Христова Церковь,
празднственную радость духовно составльши
в памяти твоей,юже непоколеблену спаси
твоими к Спасу и Богу благоприятными
молитвами,Сосипатре священнейше.

Глухим слышание даровала еси Марие Скоропослушнице,
но и нас всех отверзи ушеса души и телесе,
яко да поем присно величия Твоя.

Пресвятая Богородице,спаси нас.

Да увижду Тя,Всеблагая Скоропослушнице,
во время смерти утешающую мя
и зраки демонов отгоняющую!

Слава Отцу и Сыну и Святому Духу,
и ныне и присно,и во веки веков,аминь.