Пятница, 29.03.2024
Мой сайт
Меню сайта
Статистика

Онлайн всего: 1
Гостей: 1
Пользователей: 0
Форма входа
Главная » Гостевая книга [ Добавить запись ]

Страницы: « 1 2 3 4 5 6 7 ... 57 58 »
Показано 61-75 из 869 сообщений
809. 3 ноября. Прп.Илариона,схимника Печерского,в Дальних пещерах   (28.10.2006 16:24)
0  
Воистину достойне наречен был еси Иларион,
тихостен бо и кроток нрав по имени твоему
имел еси,блаженне,имже кроткому Господу
Иисусу благоугодив,молися Ему о нас рабех твоих.

808. 30 окт. Иконы Божией Матери,именуемой"Прежде Рождества и по   (27.10.2006 18:17)
0  
Образы носящи древле Твоего Рождества,
юноши не опаляет,Дево,пещь,якоже не опали
утробу Твою Огнь Божественный. Вся бо творит
Иисус Сын Твой,Бог и Человек,Егоже превозносим
во вся веки.

Величаем Тя,Пресвятая Дево,Богоизбранная Отроковице,
и чтим образ Твой святый,имже точиши исцеления
всем,с верою притекающим.

807. 30 окт. Иконы Божией Матери"Избавительница"(ок.1889)   (27.10.2006 18:11)
0  
Избавление Приносящая всем,от сердца Тебе призывающим,
принеси избавление скорое и нам,в лютых бедах прибегающим
и в Тебе единой избавление наше по Бозе полагающим.

806. 30 окт. Перенесение мощей прав.Лазаря Четверодневного,еп.Кит   (27.10.2006 18:07)
0  
Яко велико сокровище и богатство некрадомо
к нам прииде из Кипра,Лазаре,Промыслом всех Бога,
повелением царя благочестива,подая чтущим тя
исцеления даром,избавляя от бед и от всякаго вреда,
верою взывающих ти: спаси всех молитвами своими,
Лазаре отче наш.

805.   (27.10.2006 18:06)
0  
Во имя Отца и Сына и Святого Духа.Аминь

804. 28 окт. Иконы Божией Матери"Спорицельница хлебов"(XIXв.)   (27.10.2006 17:44)
0  
Избранней от всех родов Божией Матери и Владычице
Небеси и земли,избавляющей нас от всякия нужды,
благодарственное приносим пение. Ты же,Всемилостивая,
Госпоже Богородице,приими наше усердное моление,сохрани нас
от глада и пагубы,даруй земли нашей плодоносие;
питательнице и спорицельнице нив и хлебов наших,
да радующеся всегда зовем Ти: радуйся,Благодатная,
Господь с Тобою,подаждь и нам,недостойным,росу
благодати Твоея,и яви милосердие Твое.

803. 27 окт. Яхромской иконы Божией Матери(XVв.)   (23.10.2006 17:01)
0  
Пресвятая Владычица моя Богородица,
святыми Твоими и пречистыми молитвами
отжени от меня смиренного и несчастного
раба Твоего уныние,забвение,неразумие,нерадение
и все скверные,лукавые и хульные помышления
от окаянного моего сердца и от помрачённого
ума моего,и погаси пламень страстей моих,
так как нищ я и несчастен,и избавь меня
от многих и лютых воспоминаний и предприятий
и от всех действий злых освободи меня,
ибо благословенна от всех родов и славится
пречестное имя Твоё во веки веков,аминь.

Воистину достойно воспевать Тебя,Богородицу,
Присноблаженную и Пренепорочную и Матерь Бога нашего,
Честнейшую Херувим и Славнейшую без сравнения Серафим,
без истления Бога Слова родшую,сущую Богородицу,Тебя величаем.

802. 26 окт. Седмиезерной иконы Божией Матери(XVIIв.)   (23.10.2006 16:52)
0  
Умервщленную душу мою оживи,
падшую возстави,уязвленную исцели,
ум мой просвети,искушений волны укроти,
Мати Божия,Дево Пресвятая,и спаси мя
молитвами Твоими,Пречистая.

Величаем Тя,Пресвятая Дево,Богоизбранная Отроковице,
и чтим образ Твой святый,имже точиши исцеления
всем,с верою притекающим.

801. 26 окт. Иверской иконы Божией Матери   (23.10.2006 16:47)
0  
Огустеша воды,огустеша и волны посреде моря,
носяща Твою,Богомати,икону. Утверди и мое
подвигшееся сердце на камени заповедей Христовых.

Пресвятая Богородице,спаси нас.

Утверди сердце мое во уповании на Тя,Богомати,
изми всякую гордыню и превозношение из помраченнаго
ума моего,да вопию: несть свят,яко Господь,
и несть праведен,яко Бог наш.

Пресвятая Богородице,спаси нас.

Ты моя крепость,Господи,Ты моя и сила,
Ты мой Бог,Ты мое радование,не оставль недра Отча
и нашу нищету посетив. Тем с пророком Аввакумом
зову Ти: силе Твоей слава,Человеколюбче.

Слава Отцу и Сыну и Святому Духу,
и ныне и присно,и во веки веков,аминь.

Ты еси моя крепость и сила,Богородице,
Тобою почию в день скорби моея,
и из страны пришельствия взыду Тобою
в Небесное наследие,и возрадуюся
о Господе и Бозе,Сыне Твоем.

Пресвятая Богородице,спаси нас.

Престоле Царя Славы,Честнейшая Херувим,
одушевленный храме,в немже вселися Господь,
твердь Небесная,на нейже возсия Солнце Правды,Христос,
Тя поем,Богомати,и превозносим во вся веки.

Слава Отцу и Сыну и Святому Духу,
и ныне и присно,и во веки веков,аминь.

800. 25 окт. Калужской иконы Божией Матери(1812)   (23.10.2006 16:26)
0  
Не имамы песней,ниже словес,
како достойно восхваляти Тя,Мати Христа Бога нашего,
явления ради чудотворныя иконы Твоея земли Калужстей,
токмо можем вопити Тебе: не отврати милости Твоея
от нас,и ниспосли ю всем притекающим
к цельбоносней иконе Твоей.

799. 25 окт. Рудненской иконы Божией Матери(1687)   (23.10.2006 16:22)
0  
Не имамы дерзновения к Сыну и Богу Твоему,
Пресвятая Владычице,не имамы дерзновения и к Тебе,
Пренепорочная,грехми присно оскверняеми,аще не Сама Ты,
Премилосердая Мати,воззовеши нас,заблуждших,к покаянию,
надеждею спасения отревающи от нас всякое уныние и разленение.

Величаем Тя,Пресвятая Дево,Богоизбранная Отроковице,
и чтим образ Твой святый,имже точиши исцеления
всем,с верою притекающим.

798. 25 окт. Ярославской-Смоленской иконы Божией Матери(1642)   (23.10.2006 16:16)
0  
Разумевше издалече,прозорливыми очесы,
пророцы Тя яве провозвестиша,хотящую
Матерь быти Вседетеля и Владыки всех.
Тем Тя,Всепетая,Богородицу исповедуем.

Величаем Тя,Пресвятая Дево,Богоизбранная Отроковице,
и чтим образ Твой святый,имже точиши исцеления
всем,с верою притекающим.

797. 25 окт. Иерусалимской иконы Божией Матери(48г.)   (23.10.2006 16:08)
0  
Не отрини,о Милосердая Мати,слез
и воздыханий наших,но прошения наша
милостивно приими,пред Иерусалимскою
иконою Твоею молящихся людей веру укрепи,
умилением сердца их исполни,и крест земнаго
жития нести им помози,елика бо хощеши можеши.

Величай,душе моя,Святою Троицею
Избранную спасения ради нашего.

796.   (23.10.2006 16:07)
0  
Слава Отцу и Сыну и Святому Духу,
и ныне и присно,и во веки веков,аминь.

795. 25 окт. Филеримской(Пустыннолюбивой)иконы Божией Матери   (23.10.2006 15:58)
0  
Пресвятая Дево,Мати Божия,
Заступнице наша непостыдная,
спаси,услыши нас,страстьми люте
одержимых,и даждь руку помощи
молитвами Твоими.


Имя *:
Email *:
WWW:
Код *:
Поиск
Друзья сайта
  • Создать сайт
  • Официальный блог
  • Сообщество uCoz
  • FAQ по системе
  • Инструкции для uCoz
  • Все проекты компании
  • Copyright MyCorp © 2024
    Сделать бесплатный сайт с uCoz