Именем Твоим,Владычице,горы искапают сладость,
холми яко агнцы взыграются,и земнороднии вси
радости неизглаголанныя исполняемся,зряще тя,
ширшую небес и чистшую светлостей солнечных,
осеняющую мир милосердием Твоим.

Величаем Тя,Пресвятая Дево,Богоизбранная Отроковице,
и чтим образ Твой святый,имже точиши исцеления
всем,с верою притекающим.

Благословен Бог

Мати Божия Пресвятая,Стено христианом,
града нашего Шуи Покров и Заступление!
Молитвы раб Твоих,ко иконе Твоей припадающих,
приими,во исповедании Православной веры укрепи,
от всякия напасти и беды избави,скорби земныя
на радость преложи и Сына Твоего моли граду
и людем Твоим в мире спастися.

Во имя Отца и Сына и Святого Духа.Аминь

Твоего предстательства уверение и милосердия Твоего явление икона Озерянская нам,Владычице,показася;
пред неюже души наша в молитве изливаем и верою
к Тебе вопием: воззри,Милосердая,на люди Твоя,
вся скорби наша и печали утоли,утешение благое
в сердца наша низпосли и спасение вечное
душам нашим,Пречистая,испроси.

Храм твой всечестный яко цельбу душевную обретше,
вси вернии велегласно вопием ти: дево мученице,
Анастасие великоименитая,Христа Бога моли
непрестанно о всех нас.

Девства водами очищена,преподобная,
мученичества кровьми,Анастасие,венчавшися,
подаеши сущим в нуждах недугов исцеление и спасение,
приступающим от сердца: крепость бо тебе подает Христос,
источаяй благодать приснотекущую.

Величаем тя,страстотерпице святая Анастасие,
и чтим святую память твою,ты бо
молиши за нас Христа Бога нашего.

Кровей твоих струями,Димитрие,
Церковь Бог обагри,давый тебе крепость
непобедимую и соблюдая град твой невредим;
того бо еси утверждение.

Величаем тя,страстотерпче святый Димитрие,
и чтим честная страдания твоя,яже
за Христа претерпел еси.

Во имя Отца и Сына и Святого Духа.Аминь

Днесь вера Христова утверждается камнем веры,
и ликовствует в веселии Иоппия,псаломски славословят
Жизнодавца Сына Божия вернии,видяще совершаемо велие чудо:
первоверховный апостол глаголет,и умршая востает от гроба,
юже Низложитель смерти дарует Церкви,да украшаются
во образ ея добродетельми люди. Приидите убо,христиане,
принесем ко святей моления наша: блаженная Тавифо
и милосердная,вознеси наша воздыхания Пресвятей Троице
и молися со дерзновением,да Сынове Света Превечнаго будем,
да сподобимся Божия милости,да пребываем в любви Божественней,
и да царствует мир во вселенней.

Имущи от Бога дар прозорливости,от рождения
лишенная телесных очес,духовными открытыми очесы
предрекла еси людем будущая,яко настоящая,
терпящи насмешки и поругания от родных
и близких,слышащих сия; от верных же
приими сицевая:
Радуйся,дивная прозорливице.
Радуйся,невидимых и далече сущих неложная предсказательнице.
Радуйся,пророческим дарованием от Бога наделенная.
Радуйся,даром сим многия утешавшая.
Радуйся,за исцелением болящих ничесоже от них взимавшая.
Радуйся,насмешки и укорение за сие без ропота терпевшая.
Радуйся,блаженная старице Матроно,предивная чудотворице.

Радуйся,Благодати Источниче;
радуйся,Лествице и Дверь Небесная;
радуйся,Свещниче,и Стамно златая;
и Горо несекомая,яко Жизнодавца
Христа мирови рождшая.

Пресвятая Богородице,спаси нас.

Всея моея жизни Предстательнице,
от бед многих избави мя,да благодарственный
глас воспеваю Ти,Богоневесто Пречистая,
и будущия мя исхити муки.

Пресвятая Богородице,спаси нас.

Яже всем удобь послушная в скорби
и в печали помогающая,Богородице Благая,
благодать подаждь пети,Тя дерзающим,
Владычице,скорбящих Радосте.

Слава Отцу и Сыну и Святому Духу,
и ныне и присно,и во веки веков,аминь.

Приидите,вси вернии,припадем к теплей Заступнице
рода нашего,Матери Божией,и во умилении сердца
воззовем: Пресвятая Владычице Богородице,
покрый нас благодатным покровом Твоим
и молитвами Твоими избави нас от всякаго зла.

Господи,помилуй. Господи,помилуй. Господи,помилуй.

Величаем Тя,Пресвятая Дево,Богоизбранная Отроковице,
и чтим образ Твой святый,имже точиши исцеления
всем,с верою притекающим.

Слава Отцу и Сыну и Святому Духу,
и ныне и присно,и во веки веков,аминь.

Приидите,соберитеся,христоименитии людие,
умы тайно очистившеся,во святую Церковь Матере
Христа Бога нашего: источает бо нам неоскудно от святыя
иконы источник духовен,целебен душам и телом,песнь вопиющим:
благословен из Тебе рождейся Бог наш.

Пресвятая Богородице,спаси нас.

Покланяемся,Богородице,Твоему пречистому образу
и пресладкому Твоему Младенцу,Превечному и Незаходимому
Свету,Христу,Имже спасла еси от лютых зол и тления смертнаго
все человеческое естество.

Слава Отцу и Сыну и Святому Духу,
и ныне и присно,и во веки веков,аминь.

Благословен Бог